Hitza.info

Donostia  |  Irutxuloko Hitza

2008-05-09 | 21:29:21

Kiriko trainerua aurkeztu dute

Donostiako traineruari patroi izandakoaren izena jarri diote. Amilibiak ontzigile oriotarrak egina da. Ainhoa Arteta eta Amaia Bontigi-Kirikoren biloba-amabitxiak izan dira.

Ez du erantzunik

LEA-ARTIBAI ETA MUTRIKU  |  Lea-Artibai eta Mutrikuko Hitza

2008-05-09 | 19:03:25

Ekintzak ekinez eginak

EkintzailEguna dela-eta Mutrikun eta Markina-Xemeinen ekitaldiak egin dira; gazteak euren kabuz ekitera animatu dituzte.

Mutrikuko zein Markina-Xemeingo ekitaldiek gazteek ekiteko dituzten baliabideetako baten berri emateko balio izan zuten: Urratsbat proiektua. Batxilergoko eta zikloetako ikasleei lan munduratzerako orduan duten aukeretako bat agertu diete: enpresa propioa sortzea.

Ez du erantzunik

GERNIKA-LUMO  |  Busturialdeko Hitza

2008-05-09 | 18:37:15

Erresoluzio handiko zentroaren obrak geldituta daude Urazcak ordainketak eten dituelako

Bizi duten egoera larriaz ohartarazi dute langileek eta Osakidetzak esku hartzea eskatu dute

Urazca euskal enpresak ordainketak eteteko eskaera aurkeztu du asteon merkataritza-arloko Bilboko bigarren epaitegian. Erabaki horren ondorioz, Gernika-Lumoko erresoluzio handiko zentroaren obrak geldituta daude.

Erantzun 1

OIARTZUN  |  Oarsoaldeko Hitza

2008-05-09 | 18:03:33

Jose Antonio Bañosek irabazi du etapa

Angel Madrazo da lider berria

Cantabria Infinita taldeko Jose Antonio Bañosek irabazi du Oiartzun-Oiartzun etapa. 17:00ak baino pare bat minutu lehenago iritsi da Doneztebe plazako helmugara. Bera da, baita ere, erregulartasunaren maillotaren jabea eta sailkapen orokorrean bigarren postuan dagoena. Gaur, Saunier Duval taldeko Angel Madrazok jantzi du liderraren maillot horia. Bihar bukatuko da Bidasoako Itzulia, Irunen hasi eta bukatuko den etaparekin. Hala ere, Gurutzetik pasatuko da.

Ez du erantzunik

AZKOITIA  |  Urola Kostako Hitza

2008-05-09 | 17:37:27

Jon Sudupek irabazi du bigarrenez Unamuno saria

Saiakera sariaren euskarazko atalean gailendu da azkoitiarra, ‘Hizkuntza ados jartzeko da’ lanarekin

Jon Sudupek irabazi du aurtengo Miguel Unamuno Saiakera sariaren euskarazko atala, Hizkuntza ados jartzeko da lanarekin. Bilboko Udalak antolatzen duen lehiaketan bigarrenez gailendu da azkoitiarra, 2004an ere berak irabazi baitzuen, Kant eta uso arina liburuarekin. Sudupek Hizkuntza ados jartzeko da saiakeran azaltzen duenez, hizkuntzak pertsonen arteko harremanak ulertzeko eta munduaren ikuspuntu bat sortzeko beharrezko tresna dira.

Ez du erantzunik

Busturialdea  |  Busturialdeko Hitza

2008-05-09 | 17:36:08

Lurgorriko bizilagunekin mintzatuko da bihar goizean alkatea

Hurrengo eta azken bisita Fray Martin de Muruara egingo du Jose Mari Gorroño alkateak

Jose Mari Gorroño alkatea auzoetako bizilagunekin biltzen ari da bakoitzean dauden beharrizanak denen artean aztertzeko. Bihar goizean Lurgorriko, Agarreko eta San Kristobalgo bizilagunen kezkak jasoko ditu, 12:00etatik aurrera, San Kristobal plazan. Ohi legez, kalean jarritako buzoi batean ere sartu ahal izango dituzte auzotarrek euren kexa eta iradokizunak. Bisitatuko duen hurrengo auzoa Fray Martin de Murua izango da

Ez du erantzunik

GERNIKA-LUMO  |  Busturialdeko Hitza

2008-05-09 | 17:21:55

Puerto III espetxera eroan dute Jabi Abaunza preso politikoa

Astelehenean Algecirasko kartzelara lekualdatuko dutela diote haren senideek

Senideek jakinarazi dutenez, herenegun Cadizko (Espainia) Puerto III espetxera eraman zuten Jabi Abaunza euskal preso politiko gernikarra. Hori ez da izango, ordea, jasango duen lekualdaketa bakarra, astelehenean Algecirasko kartzelara eramango baitute. Frantziak estraditatu ostean Soto del Realen sartu zuten eta, gero, 2007ko urrian, Valdemoroko espetxera eraman zuten, bertan izan dutelarik ordutik.

Ez du erantzunik

BERRIATUA  |  Lea-Artibai eta Mutrikuko Hitza

2008-05-09 | 16:06:31

Eskualdeko jendeak bat egin du festa eremuan

San Gregorio Eguna dela igarria da, gaur, Berriatuan.